«Қазақмыс» Жезқазған мыс балқыту зауытынан өрт шықты. Бұл туралы ТЖМ ресми өкілі Талғат Уәли хабарлады.
«27 мамырда сағат 08-53-те «Қазақмыс корпорациясы» ЖШС Жезқазған мыс балқыту зауытындағы өрт туралы хабарлама келіп түсті. Балқыту цехында шамамен 100 шаршы метр алаңда трансформатордың бөліктері мен төгілген май жанған. Қайтыс болғандар мен зардап шеккендер жоқ», деді Талғат Уәли.
Мәліметке сүйенсек, балқыту цехында өндіріс процесі уақытша тоқтатылды. Өртті сөндіруге Қарағанды облысы ТЖД күштері мен құралдары жұмылдырылған: жеке құрамнан 26 адам және 7 бірлік техника, сонымен қатар «Серіктес» ЖШС 13 қызметкері және 3 бірлік техника.
