Елімізде жұмыссыздар саны алдыңғы жылмен салыстырғанда 2%-ға өсті. Бұл туралы FinProm жазды.
Жұмыссыздар саны ең көп өңірлер — Алматы, Түркістан облысы және Шымкент.
2021 жылдың бірінші тоқсанында жұмыссыз адамдардың саны 451,3 мың адамды құрады — бұл өткен жылмен салыстырғанда 2% – ға көп. Яғни жұмыссыздық деңгейі бір жыл ішінде 4,8% – дан 4,9% – ға өсті.
Алайда айта кететін жайт, 2020 жылғы «карантиндік» екінші және үшінші тоқсандарда жұмыссыздық деңгейі тіпті 5% -ды құрап, жұмыссыздар саны – 454 мыңнан 455 мың адамға өсті.
Сонымен қатар жұмыссыздық деңгейі әйелдерде ерлерге қарағанда жоғары: 4,4:5,4. Анықтама үшін: бір жыл бұрын жұмыссыздық деңгейі әйелдер арасында 5,3% – ды, ерлер арасында – 4,3%- ды құрады.
