Шымкент қаласында табылған гранатаға ұқсас жарылғышты полиция залалсыздандырды. Бұл туралы Polisia.kz хабарлады.
2021 жылдың 11 мамыр күні жергілікті тұрғын қала аумағындағы ауылдардың бірінде қой бағып жүрген кезінде гранатаға ұқсас затты тауып алған. Кейін болған жағдайды Шымкент ҚПД Еңбекші ауданы ПБ-ның кезекші бөліміне хабарлады.
Аталған хабарлама бойынша полиция қызметкерлері шақырту болған жерге шұғыл барды. Тексеру барысында тәртіп сақшылары қара түсті гранатаны анықтап, қоршауға алып, залалсыздандырды.
Шымкент қаласының ПД жарылғыш затты тапқан кезде одан алыс тұрып, қауіп туралы айналадағы азаматтарға ескертіп, дереу полицияға хабарлауға кеңес береді.
