Cемейде 142 жыл бұрын салынған ғимарат түннен бері өртеніп жатыр

ШҚО Төтенше жағдайлар департаменті баспасөз қызметінің мәліметіне сүйенсек, 26 ақпанда сағат 00.46-да Абай даңғылының бойында орналасқан ЖШС-ның екіқабатты ғимаратында өрт шыққан. Өрт сөндірушілер оқиға орнына бірден келіп жетті. Өрт 1879 жылы ағаштан салынған ғимараттың қабырғаларын, еденін, жиһаздарды және жеке заттарды шарпыған.0

3

«Қазіргі уақытта тілсіз жаумен 19 техника мен 55 адам күресуде. Алдын ала мәлімет бойынша, жалын 600 шаршы метр аумақты шарпыды», – делінген хабарламада.

Өрттің шығуына – электр жабдықтарын монтаждау және пайдалану кезінде қауіпсіздік талаптарын сақтамау, электр жабдықтарының апаттық жағдайда болуы немесе отпен абайсыз әрекет ету себеп болуы мүмкін.