Кукушкин жарыстың екінші айналымында әлемнің үздік теннисшілерінің бірі, «Үлкен Дулыға» турнирлерінің жеңімпазы, швейцариялық Стэн Вавринкамен кездескен болатын.
Үш сетке созылған кездесуде Вавринка 4:6, 6:3, 6:1 есебімен жеңіске жетті. Матч жалпы есебі 1 сағат 56 минутқа созылған.
Айта кетелік, Михаил Кукушкин АТР рейтингінде 90-орында тұр. Ал Стэн Вавринка 18-сатыда.
Қазақстан командасы көшбасшыларының бірі Александр Бублик бүгін австралиялық теннисшіге қарсы кортқа шығады.
