ҚР Президенті жанындағы Орталық коммуникациялар қызметінде Қостанай облысының әкімі Архимед Мұхамбетовтің қатысуымен онлайн баспасөз конференциясы өтті, деп хабарлайды Kaznovosti.kz.
Брифинг барысында әкім Мемлекет басшысының жолдауы аясында Қостанай облысының аумақтық дамуы туралы айтып берді.
Өңір басшысы атап өткендей, ағымдағы жылдың 10 айында негізгі макроэкономикалық көрсеткіштер оң динамикаға ие: өнеркәсіп өндірісінің өсуі 6,9% – ды (оның ішінде өңдеу өнеркәсібі – 19,3%-ға), құрылыс жұмыстары 23%-ға, тұрғын үйді пайдалануға беру- 9,5%-ға, ауыл шаруашылығы 21,3%-ға, ал негізгі капиталға инвестициялардың өсуі 11,0%-ды құрады.
«Короновирустық инфекцияның алғашқы толқыны кезінде барлық өнеркәсіптік кәсіпорындар қалыпты режимде жұмыс істеді, шығарылатын өнім көлемі сақталды. Олардың барлығында өндірістің үздіксіздігін қамтамасыз ету, шикізат жеткізу, жұмыспен қамтуды сақтау бойынша шараларды көздейтін дағдарысқа қарсы жоспарлар бар. Аграршылар көктемгі егіс және егін жинау жұмыстарын уақытылы жүргізді»,-деді облыс әкімі.
Индустрияландырудың үшінші бес жылдығы шеңберінде, қазіргі уақытта 6 мың жұмыс орнын ашу арқылы, 1,5 трлн.теңгеге 42 инвестициялық жоба белсенді пысықталу сатысында тұр.
Есепті кезеңде машина жасау саласының өндіріс көлемінің 46,5%-ға өсуі автомобиль жасаудың арқасында мүмкін болды. Мәселен, жыл басынан бері облыста 1,6 есе өсіммен 30,6 мың бірлік техника өндірілді.
«Жоспар бойынша 40 мыңға дейін автокөлік шығару жоспарланған, оның 10 мыңы экспортқа жіберілетін болады. Айта кетейік, жыл басынан бері 6 039 автокөлік экспортталды», – деді облыс әкімі.
Дағдарысқа қарсы шаралар аясында Мемлекет басшысының тапсырмасы бойынша Жұмыспен қамтудың жол картасы іске асырылуда, ол ТКШ объектілерінің 75 әлеуметтік, инженерлік-көліктік инфрақұрылымының жай-күйін жақсарту, сондай-ақ елді мекендердің аумағын абаттандыру бойынша міндеттерді шешуге бағытталған.
Инфрақұрылымдық жобаларды іске асыру барысында 12 мыңнан астам жұмыс орны құрылды.
Облыс әкімі сондай-ақ агроөнеркәсіптік кешен саласындағы «қарапайым заттар экономикасы» аясындағы жобалардың іске асырылуына тоқталды. Ағымдағы жылы ауыл шаруашылығы саласында бірқатар жобаларды іске асыру жоспарланған (Арқалық қаласындағы бордақылау алаңы, Қарабалық ауданындағы бройлер құс фабрикасы, Қостанай ауданындағы жел электр станциясы).
Жалпы, «қарапайым заттар экономикасы» салаларын жеңілдікпен кредиттеу бағдарламасы шеңберінде 31,0 млрд.теңге сомасына 192 жоба мақұлданды.
Ауыл шаруашылығына келетін болсақ, оның ЖӨӨ-дегі үлесі 11,2%-ды құрайды. Ағымдағы жылы жалпы егіс алаңы 5,3 млн. га құрады, оның ішінде 4,1 млн. га дәнді және дәнді-бұршақты, оның ішінде бидай 3,4 млн. га. астықтың жалпы түсімі 4,0 млн. тоннаны құрады, орташа өнімділік 10,2 ц/га.
Бұдан әрі Архимед Мұхамбетов шағын және орта бизнесті дамыту ерекше бақылауда екеніне назар аударды.
Пандемияның теріс әсеріне қарамастан, ШОБ субъектілері шығарылатын өнім көлемін 5,2%-ға ұлғайтты, бұл ШОБ-тың ЖӨӨ-дегі үлесін 26,5%-ға жеткізуге мүмкіндік берді.
Кәсіпкерлерге дағдарысқа қарсы шаралар аясында қолдау көрсетіледі. Осылайша, төтенше жағдайды енгізу нәтижесінде өзінің қаржылық жағдайын нашарлатқан ШОБ-ты қолдау үшін жеңілдікті кредит беру бағдарламасы шеңберінде 9 айда банктер 15,9 млрд.теңгеге 74 кредитті мақұлдады.
Сондай-ақ, екінші деңгейдегі банктердің кәсіпкерлікті қолдаудың мемлекеттік бағдарламаларының қатысушылары болып табылатын 171 кәсіпкерлік субъектісіне кредиттер бойынша мерзімін ұзартуды ұсыну бойынша жұмыс жүргізілді.
Облыс әкімі көлік логистикасы саласына да тоқталды.
Ағымдағы жылы елді мекендердің барлық санаттары мен көшелерін қалпына келтіруге, сондай-ақ оларды күтіп-ұстауға рекордтық 68,0 млрд.теңге бағытталды, бұл 2019 жылдан 2 есеге артық. Бұл облыстың барлық 775 км автожолын қайта жаңартуға және жөндеуге мүмкіндік берді.
Құрылыс саласында да оң динамика байқалады. Биылғы жылы 13,1% өсіммен 379,3 мың шаршы метр тұрғын үй пайдалануға беріледі.
Сонымен қатар, Қостанай облысында спорт объектілерінің құрылысы жүргізілуде, олардың болуы облыс тұрғындарын спортпен айналысуға көбірек тартады, осылайша халық арасында бұқаралық спортты дамыту деңгейін арттырады.
Денсаулық сақтау саласын дамытуға 1,5 есе өсіммен 78,1 млрд. теңге бөлінді.
Қазіргі уақытта науқастарды емдеу үшін 19 стационар жұмылдырылды. 967 кереует орналастырылды, қажет болған жағдайда оларды 3 000-ға дейін ұлғайтуға дайынбыз.
Биылғы жылы жоғары технологиялық медициналық жабдықтармен (компьютерлік томограф, цифрлық рентген) жабдықталған 200 төсектік инфекциялық орталық салынып, жұмысын бастады, барлық төсектерге оттегі консольдері жеткізілді.
Денсаулық сақтау мекемелерін заманауи медициналық жабдықтармен және санитарлық автокөлікпен қамтамасыз ету жұмыстары жалғасуда.
Жыл басынан бері компьютерлік томографтармен жарақтандыру 1,8 есеге, цифрлық рентгенмен жабдықтау 1,3 есеге, ӨЖЖ аппараттарымен жарақтандыру 1,8 есеге ұлғайды.
Оттегі нүктелері 939 бірлікке дейін ұлғайтылды, 642 оттегі концентраторы бар.
Сонымен қатар, санитарлық автокөлікпен және реанимобильдермен жабдықтау 1,4 есеге артты, сондай-ақ 10 жылжымалы медициналық кешен сатып алынды.
Дәріханаларды дәрілік препараттармен қамтамасыз ету мақсатында «тұрақтандыру қоры» 538,0 млн.теңгеге дейін ұлғайтылды.
Дәріханалар мен стационарларда дәрі-дәрмектер мен жеке қорғаныс құралдарының екі айлық қоры бар.
Білім беру саласында биыл қаржыландыру 1,5 есеге артып, 122,8 млрд.теңгені құрады.
2020 жылы облыс орталығы мен Әулиекөл ауданында мемлекеттік және орыс тілінде оқытатын мектептер ашылды. Сондай-ақ, Қарасу ауданының Қарасу ауылында мемлекеттік тілде оқытатын мектептің құрылысы жүргізілуде.
Сонымен қатар, 133 білім беру нысанына күрделі және ағымдағы жөндеу жұмыстарын жүргізуге 11,2 млрд.теңге бөлінді, бұл өткен жылғы сомадан 3 есе артық.
Қашықтықтан оқытудың сапалы жағдайларын жасау мақсатында 3,8 млрд.теңгеге 21 мың компьютер сатып алынды, оның ішінде оқушыларға қайтарымды негізде 12 458 бірлік берілді.
Педагогтерді компьютерлік техникамен қамтамасыз ету 100% құрайды.
Облыстың барлық жалпы білім беретін мектептері кең жолақты Интернетке қол жеткізе алады.
Архимед Мұхамбетов сондай-ақ халықты жұмыспен қамтуды қолдау жөніндегі мемлекеттік бағдарламалардың іске асырылуына тоқталды.
Ағымдағы жылы Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасы аясында 5,5% өсіммен 8,6 млрд.теңге бөлінді. Бағдарлама қатысушыларына бизнесті жүргізуге шамамен 2,5 млрд. теңге сомасында микрокредиттер берілді.
